ТАУАРЛАРДЫ САТУҒА АРНАЛҒАН ЖАРИЯ ОФЕРТА (ҚОСЫЛУ ШАРТЫ)
"DOCSLY" Жеке кәсіпкері
Қазақстан Республикасы, Астана қаласы
Осы құжат бұдан әрі «Сатушы» деп аталатын "DOCSLY" Жеке кәсіпкерінің бұдан әрі «Сатып алушы» деп аталатын кез келген заңды немесе жеке тұлғаға төменде баяндалған шарттармен тауарларды сату-сатып алу шартын жасасу туралы ресми ұсынысы (жария оферта) болып табылады.
Қазақстан Республикасы Азаматтық Кодексінің (ҚР АК) 395-бабына сәйкес осы құжат жария оферта болып табылады. Сатып алушының Сатушы ұсынған шотты толық төлеуі ҚР АК 396-бабына сәйкес осы оферта шарттарын толық және сөзсіз қабылдау (акцепт) болып табылады және жазбаша нысанда шарт жасасуға теңестіріледі.
1. ТЕРМИНДЕР МЕН АНЫҚТАМАЛАР
Сатушы: Интернет-дүкен арқылы тауарларды сатуды жүзеге асыратын «DOCSLY» ЖК.
Сатып алушы: Шотты төлеу арқылы осы офертаны акцептеген кез келген тұлға.
Интернет-дүкен: Сатушының Тауарлар ассортименті ұсынылған ресми сайты.
Тауар: Сатушының Интернет-дүкенінде ұсынылған кәдесый өнімдері.
Тапсырыс: Сатып алушының сайт себеті, электрондық пошта немесе телефон арқылы ресімдеген Тауарларды сатып алуға сұранымы.
Шот: Сатушының Сатып алушыға төлем жасау үшін ұсынатын, Тауарлардың соңғы тізбесін, олардың бағасын, жеткізу құнын және төленуге жататын жалпы соманы қамтитын құжат.
2. ТАПСЫРЫСТЫ РЕСІМДЕУ ЖӘНЕ ШАРТТЫ ЖАСАСУ ТӘРТІБІ
2.1. Сатып алушы Тапсырысты кез келген қолжетімді тәсілмен ресімдейді: Интернет-дүкеннің себеті арқылы, электрондық пошта немесе телефон арқылы.
2.2. Сатып алушының Тапсырысты ресімдеуі өздігінен шарт жасасу болып табылмайды. Тапсырыс Сатушының коммерциялық ұсыныс қалыптастыруына арналған сұраным болып табылады.
2.3. Тапсырысты алғаннан кейін Сатушы Тауардың бар-жоғын тексереді, Сатып алушы көрсеткен мекенжайға дейін жеткізудің нақты құнын есептейді және төлемге арналған соңғы Шотты қалыптастырады. Сатушы Шотты ұсынған сәтке дейін Тауардың бағасын және/немесе жеткізу құнын түзетуге құқылы.
2.4. Сатып алушыға ұсынылған Шот Сатушының ресми офертасы болып саналады.
2.5. Шотта көрсетілген соманы 100% төлеу Сатып алушы тарапынан офертаның акцепті болып табылады. Ақша қаражаты Сатушының есеп айырысу шотына келіп түскен сәттен бастап сату-сатып алу шарты осы Оферта шарттарымен жасалды деп есептеледі.
2.6. Төленбеген Шот екі Тарап үшін де ешқандай міндеттемелерге әкеп соқпайды. Сатып алушы Тапсырысты төлегенге дейін кез келген сәтте одан бас тартуға құқылы. Сатушы төленбеген Шотты ол ұсынылған сәттен бастап 5 (бес) банк күні өткен соң жоюға құқылы.
2.7. Егер Тапсырысты орындау үшін Тауарды қосымша өндіру қажет болса, жеткізу мерзімдері Тараптармен қосымша келісіледі және Шотта немесе ілеспе хат алмасуда көрсетіледі.
3. БАҒА ЖӘНЕ ТӨЛЕУ ТӘРТІБІ
3.1. Интернет-дүкендегі Тауар бағалары ақпараттық сипатта болады және оны Сатушы біржақты тәртіппен өзгерте алады. Ұсынылған Шотта бекітілген баға соңғы болып табылады.
3.2. Төлем 100% алдын ала төлем шарттарымен ұлттық валюта – теңгемен Шотта көрсетілген Сатушының есеп айырысу шотына ақша қаражатын аудару жолымен жүргізіледі.
3.3. Сатушы оңайлатылған декларация негізінде арнаулы салық режимін қолданады және ҚҚС төлеуші болып табылмайды. Барлық бағалар ҚҚС-сыз көрсетілген.
3.4. Сатып алушының төлем бойынша міндеттемесі төлемнің толық сомасы Сатушының банктік шотына келіп түскен сәттен бастап орындалды деп есептеледі.
4. ТАУАРДЫ ЖЕТКІЗУ ЖӘНЕ ТӘУЕКЕЛДЕРДІҢ АУЫСУЫ
4.1. Тауарды жеткізуді Сатушы ұйымдастырады, бірақ ол Сатып алушының есебінен жүзеге асырылады. Жеткізу құны төлем Шотына жеке жолмен енгізіледі.
4.2. Жеткізу тәсілін (курьермен есікке дейін, тапсырыс беру пунктіне дейін) Сатып алушы Тапсырысты ресімдеу кезінде таңдайды.
4.3. Сатушының Тауарды беру жөніндегі міндеттемесі орындалды деп, ал Тауардың кездейсоқ жойылу немесе бүліну қаупі Сатушыдан Сатып алушыға Тауарды Сатып алушыға (немесе оның уәкілетті өкіліне) нақты тапсырған және ол тасымалдаушының ілеспе құжаттарына қол қойған сәтте ауысты деп есептеледі.
4.4. Тауарды алған кезде Сатып алушы тасымалдаушының өкілінің (курьердің) қатысуымен сыртқы қаптаманың тұтастығын тексеруге міндетті. Қаптама зақымданған жағдайда, Сатып алушы тасымалдаушының өкілімен тиісті акт жасауға міндетті. Әйтпесе, тасымалдау кезінде туындауы мүмкін зақымданулар бойынша кінәрат-талаптарды Сатушы қабылдамайды.
4.5. Сатушы ҚР заңнамасына сәйкес барлық қажетті ілеспе құжаттарды (электрондық шот-фактура, тауарларды бөгдеге босатуға арналған жүкқұжат және т.б.) ұсынады.
5. ТАУАРДЫ ҚАБЫЛДАУ ЖӘНЕ ҚАЙТАРУ ТӘРТІБІ
5.1. Сатып алушы Тауарды тасымалдаушыдан алған сәттен бастап 5 (бес) жұмыс күні ішінде оның саны, сапасы және ассортименті бойынша қабылдап алуға міндетті.
5.2. Тауарды қайтарудың немесе айырбастаудың бірден-бір негізі – Сатушы растаған өндірістік ақау болып табылады.
5.3. Мыналар ақау болып табылмайды: Тауар түсінің реңінің Сатып алушы мониторының экранындағы кескіннен аздап өзгеше болуы, бұл әртүрлі құрылғылардың түс беру ерекшеліктеріне байланысты.
5.4. Өндірістік ақау анықталған жағдайда, Сатып алушы 5.1-тармақта көрсетілген мерзімде Сатушыға электрондық пошта арқылы ақауды егжей-тегжейлі сипаттайтын және ақауды растайтын нақты фотосуреттерді немесе бейнежазбаларды қоса тіркеп, жазбаша кінәрат-талап жіберуге міндетті.
5.5. Сатушы ақауды растаған жағдайда, Сатып алушы Тауарды тиісті сападағы ұқсас тауарға айырбастауды талап етуге құқылы.
5.6. Ақауы бар Тауарды Сатушының қоймасына дейін кері жеткізу шығындарын Сатып алушы көтереді. Өндірістік ақау расталған жағдайда, Сатушы Сатып алушыға кері жеткізуге жұмсалған құжатпен расталған шығындарын өтейді және жаңа Тауарды өз есебінен жөнелтуді жүзеге асырады.
6. ЖЕКЕ ТАПСЫРЫСТАР ЖӘНЕ ЗИЯТКЕРЛІК МЕНШІК
6.1. Сатып алушының жеке дизайны бойынша Тауарларды дайындау шарттары, соның ішінде логотиптерді салу, макеттерді келісу және өндіріс мерзімдері Тараптар арасында жасалатын жеке жазбаша шартпен реттеледі.
6.2. Сатушыға Тауарға салу үшін өзінің логотиптерін, кескіндерін немесе зияткерлік меншіктің өзге де объектілерін ұсына отырып, Сатып алушы оларды пайдалануға барлық қажетті құқықтарының бар екеніне және оның іс-әрекеттері үшінші тұлғалардың құқықтарын бұзбайтынына кепілдік береді.
6.3. Сатып алушы ұсынған материалдарды пайдалану нәтижесінде үшінші тұлғалардың авторлық, сабақтас немесе патенттік құқықтарын бұзғаны үшін барлық жауапкершілікті Сатып алушы көтереді. Үшінші тұлғалар тарапынан Сатушыға кінәрат-талаптар немесе талап-арыздар қойылған жағдайда, Сатып алушы оларды дербес және өз есебінен реттеуге, сондай-ақ Сатушыға келтірілген барлық залалдарды өтеуге міндеттенеді.
7. ҚОЛДАНЫЛАТЫН ҚҰҚЫҚ ЖӘНЕ ДАУЛАРДЫ ШЕШУ
7.1. Тараптардың барлық қатынастары Қазақстан Республикасының қолданыстағы заңнамасымен реттеледі.
7.2. Барлық даулар мен келіспеушіліктер келіссөздер арқылы шешіледі. Келісімге қол жеткізілмеген жағдайда, дау міндетті сотқа дейінгі кінәрат-талап қою тәртібін сақтағаннан кейін Астана қаласының мамандандырылған ауданаралық экономикалық сотында шешілуге жатады. Кінәрат-талапқа жауап беру мерзімі – 20 (жиырма) күнтізбелік күн.